جربت كافيهات كثير في جدة بس حقيقي مافي زي كوكون للشغل والمذاكرة، المكان مرة مريح ويفتح النفس ويساعد على التركيز وحلو انه هادي جدًا وكل شيء متوفر والنت سريع، وأهم شيء بالنسبة لي النظافة ماشاءالله مرة مهتمين ومعتنين فيها وبالذات نظافة الحمامات اللي هي فعليًا الأهم، والعاملين الله يسعدهم كلهم محترمين وخدومين وبشوشين ✨ من أحلى الأشياء كمان فيه سجاجيد ومكان مناسب للصلاة، أيضًا برنامج الولاء لتجميع النقاط والخصم إضافة رهيييبة! بس عندي عدة اقتراحات بسيطة لصاحب الكافيه للتحسين، يعني مع زيارتي لأيام عديدة حسيت نحتاجها وأتمنى تنأخذ في عين الاعتبار: ١- يا ليت تمددوا ساعات العمل وتصير ٢٤ ساعة، لأنه أغلب الناس اللي تذاكر تحتاج تسهر لوقت متأخر. ٢- يا ليت يصير فيه إمكانية أضيف في حسابي رصيد مبلغ مالي معين، بحيث انه كل مرة أجي وأطلب قهوة أو أي شيء ينخصم سعرها من الرصيد أولاً للتسهيل علينا بدال ما أحاسب كل مرة وأنا خارجة، وثانيًا لاحظت كم مرة أعمل check out ومحد من العاملين يجيب لي سيرة طلباتي إلا لمن أنا أذكرهم، كمان مرة أخويا جاء وطلب قهوة وخرج ونسيوا يكلموه على الحساب وهو كمان نسي وما تذكر إلا اليوم اللي بعده. ٣- حلو لو أوقات الصلوات تفتحوا صوت بسيط من الأذان فقط للإعلام بدخول وقت الصلاة، لأنه أحيانًا الواحد يندمج مع الشغل وما ينتبه للوقت، ويا حظكم بالأجر 🫶🏼 جزاكم الله خير وشكرًا جزيلاً للقائمين على هذه المساحة الأكثر من رائعة 🩵

بدون مجاملة وبكل صدق كوفي جدا رائع سواء من ناحية الديكور او المحتوى او الفكرة وحتى المشروبات مميزه والقهوة ذات جوده جيده جدا... طبعا يتميز عن باقي الكفيهات بان فيه مساحات للعمل وعقد الاجتماعات يمكن استأجارها وهناك غرف تتستع من عدد ٤ اشخاص الى ٨ اشخاص. جميع الغرف وطاولات العمل مجهزة وجاهزة للاجتماعات. حقيقة شكرا للقائمين على هذا الكوفي.

كفي شب جميل و هادئ و نظيف. توجد جلسات في الدور الارضي و العلومي وجلسات خارجية . مناسب جداً للقراءة أو العمل على اللاب تب أو المذاكرة . توجد مساحات متنوعة مفتوحة و أخرى مغلقة . هناك باقات مدفوعة للجلوس بالساعات أو حسب المساحات المتاحة للاجتماعات. مجهز بما يخدم اجتماعات العمل أو الدراسة . زرت المحل مرتين و أعجبتني القهوة. توجد عدة خيارات للحلا و السندوتشات و السناكز لكن لم أجربهم بعد . العاملين محترمين . تتوفر مواقف أمام المحل .

المقهى اقتتاح تجريبي زرت المكان أكثر من مرة.. صراحة روعة المكان ومرتب والمقهى ماشاء الله كبير.. الديكور جميل جداً ومريح للنظر.. الخدمة ممتازة والقهوة صراحة كانت لذيذة.. اتمنى يستمر على هذا الطريق وبالتوفيق لهم

المكان رائع جداً للتركيز و العمل و الدراسة 📚 الجو مُهيأ للدراسه بشكل ممتاز اكثر شي ابهرني تصميم المكان و تلبيته لإحتياجات مختلفة ( اجتماعات عمل ، خلوة دراسيه للأفراد ، اوراق و طابعه و انترنت و شواحن اقلام و ورق ، مصلى ايضاً ) مستوى النظافة عالي ماشاء الله الموظفين بشوشين فيه إتقان بالخدمة الله يوفقهم المكان سعره غالي شوي ، اتمنى فقط عضويات تكون بسعر اقل شوي ، غير كذا بيرفكت و يستحقون ٥ نجوم - يوجد منطقه للمدخنين - يوجد باقات اشتراك - انترنت ، هدوء، كاميرات مراقبه للحمايه

احس اني مبسوووطه من كتر ما اني تعرفت ع دا المكان، اش الجمال اش الافكار الرهيبه اش الابداع ، ملاذ بصراحه ، جلسات مرتبه منووعه ، المكان واسع وشرح يفتح النفس ، اماكن مخصصه للدراسه للاجتماعات وب اسعار زهيددده جدا جدا ، المكان كل زاويه فيه عباره عن فكره رائعه ، استمتعت بكل شي، القهوه اطعم مايكون البن اثيوبي وممتاززه اسعار القهوه طيبه والاكواب حجمها ممتاز ، الموظف والموظفه الموجودين محترمين وخدومين يسعدهم ، في جلسات خارجيه وجلسات مكيفه للمدخنين اول زياره مجانيه اربع ساعات وتاني زياره الساعه بعشرين ،الحمام نظظظيف وكل شي موفرينه بطريقه انيقه، هذا المكان من الاماكن اللي تستحق الزياره اكتر من مررره ، حبيت كل شي من قلبي، انصح زوار جده فيه ♥️ ونقول شكررا للي وفرو لنا مكان زي دا

لي فترة طويلة ادور على مكان نفس الفكرة، جداً مناسب للمذاكرة والاجتماعات عندهم قاعات للأجار واشتراكات وكل شي فيه يفتح النفس. الكاشير اسمه عبدالرحمن جداً عسسل ولطيف ❤️👏.

مكان ممتاز لعقد اجتماعات العمل حيث انه يوجد مساحات عمل متنوعة من مفتوحة لمغلقة وبمختلف الجلسات والارتفاعات وفيه باقات خاصة وخصم لطلاب الجامعات بالنسبة للخدمة مميزة والموظفين ممتازين بس اتمنى لو كان في تنوع اكثر في المنيو

Amazing cafe/work space for digital nomads, remote, startups, and even students. Great coffee, quite atmosphere and great facilities. Highly recommend.

To have such a cafe with this arrangement is a bless… It’s an exceptional and excellent place that you can have to study or even to have a meeting, and in the same time it’s a cafe.. Very quite, very decent, and the staff amazing. أن يكون عندنا في جدة كافيه بهذي المواصفات، صراحة ممتاز. اذا حابب تدرس او حتى اعمل اجتماع، أنصحكم بهذا الكافيه. هادي و رايق و تعامل الموظفين راقي.

This has been my favorite spot for a while now. It’s a great shared space whether you are there for solo productivity time or working collaboratively. Lots of pluses.. Very clean, free coffee, praying space and natural sun light from the two stories glass front.

أشعر بسعادة غامرة منذ أن بدأت العمل في مساحة العمل "كوكون". لم يكن مجرد تغيير في المكان، بل كان نقلة نوعية في تجربتي المهنية بأكملها. لقد ساهم "كوكون" في تعزيز أدائي ورفع مستوى إنتاجيتي بطرق عديدة، وأودّ اليوم أن أشارككم بتجربتي الإيجابية. أولاً، يوفر "كوكون" بيئة عمل مريحة وهادئة ومجهزة تجهيزاً كاملاً، بعيداً عن ضوضاء المكاتب التقليدية. وهذا الأمر سمح لي بالتركيز بشكل أفضل على مهامي وإنجازها بفعالية أكبر. بالإضافة إلى ذلك، فإن تصميم المساحة وتوزيع الأدوات والأثاث يشجعان على التعاون والابتكار، الأمر الذي أتاح لي تبادل الأفكار مع الزملاء بشكل أيسر وتوليد حلول مبتكرة للمشكلات. ثانياً، يوفر "كوكون" مجموعة من الخدمات والمرافق التي تلبي احتياجات العمل المختلفة، مثل غرف الاجتماعات المجهزة بأحدث التقنيات، ومناطق الاستراحة المريحة،.هذه المزايا رفعت من معنوياتي وجعلتني أكثر قدرة على الاستمرار في العمل لساعات طويلة دون الشعور بالضغط والإرهاق. باختصار، فإن "كوكون" ليس مجرد مساحة عمل، بل هو بيئة محفزة على الإبداع والتعاون والنجاح. أنا ممتن للغاية لاختياري العمل في هذا المكان الرائع، وأشجع كل من يبحث عن بيئة عمل مميزة على تجربة "كوكون" بنفسه.

مكان جداً راقي وتصميم جميل واكثر من رائع وغرف الاجتماعات جداً جدا. ممتازه ومجهزه انصحكم بي تجربة المكان وحلو لي انجاز الاعمال والمشاريع والقهوه طعمه ايضاً تعامل الموظفين راقي

ماشاء الله مكان جدا جميل و مريح وهادي تقدر تنجز فيه اشغالك بكل خصوصية و القهوة لذيذة بإذن الله ماراح تكون اخر مره