المطعم ايطالي .. حلو ولذيذ جداا شوربة الفطر لذيذه وتنفع لشخصين اطلبوهاا بطبقين ، الرزيتو لذيذ وثقيل وكميته راهيه لاتطلبون شي ثقيل معاه ، البطاطا الحره لذيذه .. الاكل لذيذ بشكل عام وموقع المطعم حلو وقريب البحر .. الاسعار من متوسط لمرتفع .. انصحكم فيه 😋

المكان حلو و جميل و مرتب و الاكل جدا لذيذ و يكفي الشخص .. بس الصراحة ريحة المطعم جدا سيئة .. ريحة دورات المياة جدا تضايق .. ع الاقل توفر معطرات جو او اي شي .. حقيقي مررره ضايقني الشي دا

مطعم نينو تجربه موفقه اكل لذيذ ونكهات مميزه وتنوع في الاطباق المنيو جدا منوع والاطباق كثيره واغلبها مميزه بشكل رهيب المكرونات والاطباق الرئيسيه جدا لذيذه وكمان اخذت نوعين مقبلات مره عجبتني المكان واسع ومريح الديكورات هادئه ورايقه الويترز جدا متعاونين وخدمتهم سريعة ومميزه

مطعم جمييييل وله ذكريات كثير جميلة 🥹💝 كنت ازوره كثيييير ولي فترة ناسيته مع زحمة الجديد 🤭 و البارح اشتهيته السالمون المشوي عندهم مميييييز رهييييب و الروزيتو 😋😋 والخبز اللي يقدمونه في البداية مع الزبدة حار و فريش لذيييذ 👍🏻👍🏻 وعندهم كريب بيستاشو لذيذ 😋😋اتوقع الكل يعرف المطعم ويحبه 👍🏻🤭

المطعم اللي يقفل متأخر انتماء كبير له 🫰🏻 ، لذيذ مرة كل حاجة فيه تجنن و احلى من الثانية و دايم إذا جيت جدة اروح له اشوفه الأفضل بالإيطالي ، كل حاجة عندهم لذيذة ما عادا السوشي اختي جربته تقول مو مرة عادي يعني لكن البيتزا خفيفة و طعمة احس اكل خبزة بموية من خفتها. والموظفين دار مدارنا صراحة و خدمتهم توب و سريعين.

انا زائر بجده و كنت بالقرب من المطعم ..كانت تجربه رائعة و اذا جت فرصة ثانية برجع له..طلبنا روزيتو مشروم و بيتزا مارجاريتا بنكهة ايطالية و سلطة كايل و كينوا لذيذه جداااا ومشروب برتقال و فراولة لابأس بها ...شكراا للنادل ostom كان ودود و بشوش

بداية موظفة المطعم كانت مُرحبة بنا قدموا لنا ضيافة خبز مع زبدة وجبنة بارميزان الأطباق لذيذة جدا طعم إيطالي أصيل أسعاره غالية لكن يستحق الزيارة

احلا شي سلطه الكايل والكينوا وطلبنا بيتزا رولز لذيذه لمحبين بيتزا البيروني 👌🏻 واللازانيا برضو لذيذه وفيها حراره خفيه معطيتها طعم حلو وطلبنا كون بولو ريزتو حلوه بس احسها بدون دجاج تكون اطعم وجبنا المشروب باشن فروت حبيته 👍🏻

مطعم نينو من المطاعم المظلومه دعائيا لانه الصراحه مره المطعم ممتاز من ناحيه الاكل والجودة و الخدمه اول حاجه الخدمه مره ممتازه وسريعين والديكور شرح ومريح و الطاولات واسعه بالنسبه للاكل عندهم خيارات مره كتير وانا جربت الجمبري وهوا التوب وكمان البافلو رابرز جدا لذيذ والعصيرات عندهم متنوعه و الاطباق كبيره و الصراحه الطعم جدا ممتاز و الاهم الاسعار تعتبر رخيصه مقارنة بالجوده الممتازه

طلباتي كانت : لازانيا ، روستد سلمون، ڤيل ليمون المطعم جداً هادئ ورايق طاقم الخدمه ودودين جداً وخدمتهم سريعه

مازال نينو بعد سنوات من الافتتاح يحافظ على جودة الخدمة والطعام والاستقبال وجمال المكان وهدوءه …نحن كشركة متخصصة في مجال الفنادق والمطاعم نرى أن هذا انجاز جميل أنه بعد سنوات من الافتتاح يحافظ على مستوى رائع …الموظفة روز ( rose ) رائعة وتعطي الضيف خيارات ممتازة من الطعام في حال لم يستطيع الاختيار ولديها لباقة ممتارة وتعامل محترف ولديها معلومات جيدة عن مكونات الأصناف ولا ننسى الخبز المقدم كضيافة مع الزبدة رائع ….شكرا نينو 🍋

المكان نظيف ، الأكل لذيذ ، طلبت ريزيتو بالمشروم وبيتزا مارجريتا و سلطة الكينوا .

المطعم مظلوم الناس ماتعرفو والله من اطعم الاكلات الايطاليه اول مطعم ادخل راضيه عن جميع الاطباق ومن لذة الطعم شبعت وابغا اكل زياده المطعم مختلف ونكهات موزونه و المكان نظيف والديكورات نظيفه والاستقبال راقي حتى الضيافه حلوه للامانه راح ارجع للمطعم ألف مره ولا فيه اي مطعم ينافسه بجده كلها حتى اسعارهم مقابل الكميه حلووووه 😍🤩👍👍👍👍

جربت عندهم لازانيا لحم ❤️👍 وسلطة جرجير ❤️👍